Bizler haqqımızda
Prezidentimiz Shavkat Miromonovich Mirziyoyev aytıp ótkenindey, “Rawajlanıwǵa erisiw ushın cifrlı bilimlerdi, zamanagóy informaciya texnologiyaların ózlestiriw zárúr hám shárt. Bul bizge rawajlanıwdıń eń qısqa jolın tańlaw múmkinshiligin beredi”. Bunda interaktiv oqıwlıqlardıń roli úlken.
Ínteraktiv elektron oqıwlıqlar tekstli informaciya, multimedia elementleri hám interaktiv wazıypalardı ózinde jámlegen zamanagóy hám nátiyjeli oqıtıw quralı bolıp tabıladı. Olar studentlerge kurs materialın tereńrek úyreniw, ol menen aktiv baylanısta bolıw hám bilimlerin sınap kóriw imkaniyatın beredi. Oqıw processinde interaktiv elektron oqıwlıqlardan paydalanıw studentlerdiń qızıǵıwshılıǵın asırıwǵa, materialdı ózlestiriwdi jaqsılawǵa, ózbetinshe islew kónlikpelerin qáliplestiriwge járdem beredi. Maslasıwshılıǵı hám qolaylıǵı sebepli ınteraktiv elektron oqıwlıqlarǵa zamanagóy tálimde barǵan sayın talap kúsheyip atır.